اكل مصري علي الفحم خش وذوق اقصد وشوف ههههههههههههههه

الفتـــــــــــــــــــــه المصـــــــــــــــــــــــــري::"::"::"::"



المقادير:
-----------
-1كيلو لحمه اي نوع بقري جاموسي او ضاني.
-1 كيلو ارز ابيض.
-صوص طماطم حمراء.
- خل وثوم وفلفل وملح حسب الرغبه.
-زيت وقليل من السمن و2 ملعقه زبده.
-3رغيف عيش بلدي ويقطع مربعات صغيره.
- بقدونس مفري للتزين.
-------------------------------------------------
للتقديم :
سرفيس طويل

----------------------------------------------
الطريقه
تسلق اللحمه جيد
وطريقه عمل الارز كالااتي

يغسل جيدا بالماء الفاتر يوضع قليل من السمن ويشوح الارز ونضع 4 اكواب ماء عليه و2 ملعق ملح ابيض
ونتركه 15 دقيقه حتي النضج وبعد ان يتشرب الماء في الارز نضع شياطه ونقلل درجه الحراره علي الارز
نبدأ في عمليه الصوص الذي ستقوم بتجميل الطبق بيه
2فص ثوم مفري جيدا يحمر جيدا مع قليل من الزيت نضع صوص الطماطم ونضع 3 ملعق خل و1 ملح و1 فلفل اسمر او حسب الرغبه.

يحمر العيش المقطع مربعات في الزبده .

طريقـــــــــــــــــــــــــــــــــــــــــــــه التقــــــــــــــــــــــــــــــــــــــــديم
------------------------------------------------------------------


---------توضع كميه مناسبه من العيش المحمر في الزبد ويوضع فوقها الارز الابيض
ثم يوضع كميه شوربه ساخنه مناسبه

ثم توضع اللحم المحمره شكل دائره وعليها قليل من البقدونس المفري للتزين


تقدم الفته ســــــــــــــــــــــــــــــاخنة
===============================

^^^^الكـشــــــري المصري مولع نااااار^^^^



كرونة(اسباجتي+مقصوصة)يمكنكي استخدام نوع واحد أو أكثر حسب الرغبة..
رز بعدس بجبة(عدس أسمر)
صلصة
دقة(بفتح الدال)
بصل محمر
حمص مسلوق

المكرونة:
------
اسلقي المكرونة جيدا..و حاسبي تعجن منك.


البصل المحمر:
---------
قطعي بصلة كبيرة أو ابشريها..و حمريها في السمن مع شوية كزبرة ناشفة..في نفس الحلة اللي هنعملي فيها الرز..

الرز:
---
المقادير:
كوب عدس أسمر
2 كوب رز
الطريقة:
كمية العدس لازم تكون 1\2 كمية الرز..
اسلقي العدس..و لما يوصل لدرجة انك تقدري تندغيه حطي الرز..و زودي المية..حطي معلقة في وسط الرز و ابدأي في اضافة المية..و لما تحسي ان المعلقة هتبدأ تتحرك اقفي..و سوي الرز بعد كدة عادي..

الصلصة:
-----
المقادير:
10 فصوص ثوم
عصير طماطم..لتر أو حسب رغبتك..
الطريقة:
دقي التوم مع الملح و الفلفل و كزبرة ناشفة..
حمريهم في السمن..و بعدين ضيفي الطماطم..و سيبيها تتسبك..

الدقة:
---
المقادير:
فلفل أحمر..ناشف أو عادي..حسب الرغبة..
5 فصوص توم..
1\2 كوب خل..
1 كوب ماء..
ملح+كمون+كزبرة ناشفة
الطريقة:
اضربي كل المكونات في الخلاط..(ضربا مبرحا على رأى عادل امام في مسرحية الواد سيد الشغال)

الحمص:
-----
انقعي الحمص من قبلها بيوم..و بعدين اسلقيه..


عند التقديم..
المكرونة..الرز..الصلصة..البصل..الدقة..الحمص

بالهنا و الشفا
========================


الكشك المصرى الصعيدى

المكونات والمقادير

عدد خمس حبات كشك
5 اكواب مرقة
بصلة
نصف كيلو طماطم
نصف كوب زيت
ملح فلفل
2كوب ماء
ملعقتان طعام دقيق

طريقة التحضير


ينقع الكشك ساعة فى الماء وتحمر البصلة صفراء ثم يوضع عليها عصير الطماطم حتى تتسبك والملح والفلفل ثم يوضع المرقة على الكشك ويغلى ربع ساعة
يذوب الدقيق فى قليل من الماء نصف كوب ثم يوضع على الكشك فى اثناء غليانه مع المرقة مع التقليب المستمر ويطفأعليه مباشرة يغرف فى اطباق ويرش عليه التسبيكة

وبالهنا والشفا
==================================

رغيف الحواوشى اكلة شعبية مصرية

و لذيذة جدا



المقادير:

-نصف كيلو لحمة مفرومة
-بصلة مفرومة جيدا
-حبة فلفل اخضر مقطعة قطع صغيرة
-حبة طماطم مقطعة قطع صغيرة
-ملح- فلفل -كمون-بهارات-زعتر
-عيش بلدى (اسمر)
الطريقة:
-نتبل اللحمة بجميع المقادير و توضع فى الثلاجة لمدة يوم كامل
-ناتى بعيش بلدى(اسمر)و نفتحة من فوق و لكن لا تكون الفتحة كبيرة
-بمعلقة صغيرة بها سمن ندهن العيش من جوة
-ثم نحشى العيش باللحمة
-نلف العيش بورق فويل و نحطة فى الفرن الى ان يستوى تقريبا مدة 45 دقيقة

من الممكن صنع كميه كبيره ووضعها فى الفريزر

ووضعها فى الفرن وقت الحاجه
================================

""" شاورما في البيت سهله وسريعه""""



المقادير:

كيلـو لحمة مـن وجه الفخذة أو السمانة مقطعة شرائح بسمك 1 سم
نصف كوب مـن الخل الأبيض
كوب كبير مـن الزبادي
3 حبة بصل كبيـرة مقطعة شرائـح
7 إلى 10 فصوص ثوم
7 إلى 10 حبات حبهان ( حب الهال )
ملعقة كبيرة من الزعتر
ملـح
فلفل
قليل من الجنزبيل ( زنجبيل )
قليل من القرفة
شرائـح مـن اللية الضاني
2 - 3 حبة بندورة مشوية و مقطعة قطعاً صغيرة
2 حبة بصل مشوي و مقطع قطعاً صغيرة


الطريقة:

- يوضع الخل و الزبادي و البصل المقطع و الثـوم و الحبهان و الزعتر وباقي التوابل في إنـاء و تقلب جيـداً .
- يوضع مزيج التوابل على اللحمة المقطعة و تترك لمدة 24 ساعة في التتبيلة .
- توضع شرائـح اللحمـة مفـرودة فـي صينيـة ثم توضع شرائـح الليـة على اللحمـة و توضع فـي الفرن بالقرب من الشواية لمدة 7 إلى 15 دقيقـة تقريباً حتى تقترب اللحمة من النضج .
- نقوم بتقطيع اللحمة و اللية إلى قطع صغيرة و توضع في نفس الصينية مع السائل الناتج عن عملية التسوية ثم نكمل عملية الإستواء على البوتوجاز .
- نعدل الملح حسب الذوق و نضيف الطماطم المشوية و البصل المشوي و ندع الشاورما حتى تمام النضج ثم تقدم .
تقدم مع كيزي فرنساوي او عيش بلدي او عيش شامي    المضحك بعد الوصفات اني بحب الكشري بس ههههههههههههههههههههه
والاكتر اني مبعرفش اطبخ علي العموم يارب يكونوا عجبوكوا

شكراا حنون بس هتستنا كتير بقي

ههههههههههههههههههههههه خلاص انتي هتطبخلنا بقي هههههههههههههههههههههه

شكراا ايفيتا

هههههههههه يسلموا حنون جربها واعزمني هههههههههههههههههه

شكراااااااااا لمرورك